VARANLEG FÖRÐUN
Örlitameðferð frá Nouveau Contour | Dermatude Meta Therapy | Læknisfræðileg örlitameðferð (Medical Tattoo)
Varanleg förðun
Við bjóðum upp á þaulreyndar meðferðir frá þekktustu vörumerkjum í heimi á sviði örlitameðferðar.
Undína hefur reglulega sótt sér frekari menntun og þjálfun í heimi varanlegrar förðunar sem og Medical tattoo og sótt ítarleg námskeið um allan heim. Hún hefur unnið ötullega við framkvæmd varanlegrar förðunar og hefur mikla reynslu sem hún er tilbúin að deila með þátttakendum námskeiðanna. Hún er einnig félagi í AAM (American Academy of Micropigmentation) og hefur tekið alþjóðlegt próf í Permanent Make-up og Medical Tattoo, ásamt því að hljóta viðurkenningu sem alþjóðlegur Nouveau Contour kennari.
Örlitameðferð frá Nouveau Contour
Örlitameðferð (varanleg förðun, Permanent Make-Up) er byltingarkennd meðferð þar sem litir eru settir inn undir yfirborð húðar til að skerpa línur andlits. Þessi meðferð hefur verið notuð af mörgum þekktustu módelum, leikurum og skemmtikröftum heims til þess að bæta útlit þeirra. Fagurfræðilegt gildi, tímasparnaður og minni peningaeyðsla er ástæða þess að varanleg förðun er oft kölluð „förðun framtíðarinnar“.
Örlitameðferð felur oftast í sér ísetningu lita á augabrúnir, augnlínu og varir. Með þessari sérstöku tækni og aðferð er þó einnig hægt að hylja ör, lagfæra eða gera nýja vörtubauga og lagfæra ör vegna skarðs í vör (medical örlitameðferð).
Við einblínum á mjúkt og náttúrulegt útlit okkar örlitameðferða og gerum okkar besta til að mæta þörfum viðskiptavina okkar.
Nánari upplýsingar
– frábær lausn fyrir þá sem vilja alltaf líta sem allra best út.
Íþróttafólk
– frábær lausn fyrir þá sem stunda mikið íþróttir og ræktina.
Einstaklinga með ofnæmi eða viðkvæma húð
– frábær lausn fyrir þá sem ekki geta notað hefðbundnar förðunarvörur.
Einstaklinga með sjón- eða augnvandamál
– frábær lausn fyrir þá sem sjá illa eða þola illa förðunarvörur sem ætlaðar eru fyrir augu.
Einstaklinga með líkamlega fötlun
– frábær lausn fyrir þá sem t.d. glíma við liðagigt, parkinsonsveiki, MS, lömun eða óstöðugleika í höndum og geta því illa farðað sig sjálfir.
Einstaklinga sem þurfa lyfjameðferð vegna krabbameins
– frábær lausn fyrir þá sem misst hafa augabrúnir og augnhár sökum lyfjameðferðar. Mælt er með komu til sérfræðings áður en hárin detta af, því þá er öruggt að þau vaxi aftur í augabrúnalínuna sem gerð er og útkoman verður sem náttúrulegust. Sérfræðingarnir hjá Zirkonia eru viðurkenndir meðferðaraðilar hjá Sjúkratryggingum Íslands, því fæst meðferðin endurgreidd gegn framvísun reiknings.
Hvernig lít ég út strax eftir örlitameðferðina?
Eftir örlitameðferðina munt þú líta mjög vel út. Við hjálpum þér að velja rétta litinn sem passar við þína húð og háralit. Við hönnum meðferðina sérstaklega út frá þínu andlitsformi og persónulegum stíl þannig að þetta sé allt sem eðlilegast og náttúrulegast. Fyrstu vikuna mun liturinn vera dekkstur og skarpastur, eftir 6-10 daga myndast hrúður á meðferðarsvæðinu og mun þá liturinn dofna um 40 til 50%. Allir viðskiptavinir fá góðar upplýsingar um meðhöndlun svæðisins eftir meðferðina sem þarf að passa vel að fara eftir svo árangurinn verði sem allra bestur.
Hvernig fer meðferðin fram?
Fyrst þarf að greina andlitslag þitt og finna út hvað það er sem þarf að laga eða skerpa á. Síðan veljum við liti sem passa þinni húð og þínum háralit. Förðunarblýantur er svo notaður til að búa til form sem gerir þér kleift að sjá hvernig útkoman gæti orðið. Þegar þú ert orðin ánægð með formið byrjum við á meðferðinni sem tekur venjulega um 1 ½ – 2 klst. Hver meðferð inniheldur tvær komur, með sex vikna millibili.
Er þetta sárt?
Sérstök deyfikrem hafa verið hönnuð fyrir örlitameðferðir. Deyfikrem er borið á meðferðarsvæðið áður en meðferðin hefst og einnig á meðan á meðferðinni stendur til að tryggja sem minnsta mögulega sársauka. Sársaukaþröskuldur fólks er mismunandi en það er algengt að heyra frá viðskiptavinum að meðferðin hafi ekki verið eins sársaukafull og í fyrstu var haldið.
Hver er batatíminn?
Eftir meðferðina munt þú fara í gegnum 3 gróandastig: gróandi, flögnun og dofnun lita. Liturinn sem valinn er verður mjög dökkur fyrstu 10 dagana en mun svo lýsast um ca. 40-60% þegar hrúðrið sem myndaðist á meðferðarsvæðinu dettur af.
Er þetta öruggt?
Já. Við fylgjum ströngum hreinlætis- og öryggisstöðlum með því að nota eingöngu einnota nálar og búnað. Einnig notum við ofnæmisprófaða litir sem innihalda engin lyktarefni eða önnur ertandi efni.
Hversu lengi mun þetta endast?
Örlitameðferð dofnar með tímanum. Við mælum með því að fríska uppá meðferðina á 1 til 2 ára fresti. Því dekkri sem liturinn er, því lengur endist hann. Ljósari litir eru viðkvæmari og veikari fyrir áhrifum til dæmis sundferða, sólar og endurnýjunnar húðar.
Get ég farið í vinnuna strax eftir meðferð?
Já. Förðunin verður dekkri fyrst eftir meðferðina en það þýðir ekki að þú þurfir að taka frí frá vinnu. Margir velja að fara í meðferðina á föstudegi til þess að hafa helgina til að jafna sig. Augnlína og full varalitun geta valdið bólgu í húð í ca. 2-5 daga eftir meðferð.
Get ég notað hefðbundnar förðunarvörur eftir meðferðina?
Þú mátt ekki nota förðunarvörur á meðferðarsvæðin í ca. 10 daga eftir meðferð. Það er mjög mikilvægt að halda svæðinu hreinu fyrst á eftir.
Get ég fengið örlitameðferðina ódýrari?
Eflaust getur þú það, en það sparar tíma, pening og óþægindi ef örlitameðferð er vel og faglega framkvæmd í fyrsta skiptið. Kostnaðurinn við meðferðirnar okkar endurspeglar reynslu og hæfileika okkar sérfræðinga. Mundu að um er að ræða örlitameðferð í andliti, veldu því vel, því líkt og með aðra þjónustu, þá færðu það sem þú borgar fyrir.
Hvernig vel ég réttan sérfræðing?
Mikilvægustu þættirnir eru reynsla og hæfni sérfræðingsins. Listrænir hæfileikar vega einnig þungt. Kynntu þér sérfræðinginn þinn sem allra best og fáðu viðtal áður en þú bókar þig. Hann á fljótt að geta greint þarfir þínar og mælt með hönnun á meðferð út frá þjálfun sinni. Passaðu að hefja aldrei örlitameðferð án þess að fá að sjá mögulega útkomu. Annað gott ráð er að horfa í kringum sig á vinnustað viðkomandi sérfræðings. Metnaðarfullur og fyrsta flokks sérfræðingur fjárfestir í starfsemi sinni og notar nýjasta og besta búnaðinn til að fá sem bestu niðurstöðuna fyrir viðskiptavini sína.
Með aldrinum þynnaxast varirnar og tapa lit sínum og fyllingu sem gerir það að verkum að varalínan verður óskýrari. Með örlitameðferð er hægt að endurhanna varir sem misst hafa lögun sína og hægt er að gera ásýnd þeirra mun fallegri og þrýstnari. Valinn er litur sem er sem líkastur náttúrulegum lit varanna. Varalína, – skygging og -litun eru hin fullkomna lausn til að endurforma ójafnar og óljósar varir.
Hver meðferð tekur um 1 ½ – 2 klst. og inniheldur tvær komur, með sex vikna millibili.
Augu: Augnlína / Þétting augnhára / Þunnar og breiðar línur / Augnskuggi
Meðferðin felur í sér að dökk lína er gerð á augnlokið meðfram augnháralínunni. Byrjað er á því að setja lit á milli augnháranna, síðan er liturinn byggður upp frá enda augans að augnkrók. Valin sá litur og sú gerð og þykkt augnlínu sem hentar best augnumgjörð viðskiptavinarins. Hver meðferð tekur um 1 ½ – 2 klst. og inniheldur tvær komur, með sex vikna millibili.
Augabrúnir: Hairstroke / Soft Tab / Microblade / Hybrid Pigmentation / Powder Brows
Augabrúnameðferð tekur um 1 ½ – 2 klst. og inniheldur tvær komur, með sex vikna millibili. Fyrst er andlitslag þitt greint, síðan veljum við liti sem passa þinni húð og háralit. Förðunarblýantur er svo notaður til að búa til form sem gerir þér kleift að sjá hvernig útkoma brúnanna gæti orðið. Þegar þú ert orðin ánægð með formið er byrjað á meðferðinni, hvert hár er gert með löngum og stuttum strokum, fylgjandi formi þinna náttúrulegu augabrúna. Hönnun brúna þinna verður einstök, og er hún framkvæmd án þess að nota tilbúin form eða önnur hjálpartæki. Við gerum því aldrei sömu hönnun tvisvar. Það er hægt að vinna augabrúnir með mismunandi tækni sem gefur mismunandi útkomu.
Með hairstroke tækninni er hægt að ná fram mjög eðlilegu og náttúrulegu útliti brúnanna. Þessi tækni er nokkuð frábrugðin öðrum aðferðum. Litlar hárstrokur er teiknaðar inn í augabrúnasvæðið, og þær fylgja náttúrulegu hárvaxtarmunstri hvers og eins til þess að líkja eftir útliti augabrúna. Niðurstaðan er náttúrulegar og eðlilegar augabrúnir í stað þeirra sem þekkjast sem „stimplaðar” augabrúnir.
Hairstroke tæknin er gerð með Nouveau Contour, háþróuðum örlitameðferðarbúnaði. Sérstökum litum er mjúklega stungið inn undir húðina með mikilli nákvæmni og þannig búin til „einstök hár“. Hin hefðbundna leið sem flestir þekkja við að setja lit inn undir húðina inniheldur grófari nálar og aðrar tegundir af meðferðarbúnaði, útkoman verður grófar niðurstöður sem er tilvalið í hefðbundin líkamshúðflúr. Þetta er hins vegar ekki góður kostur fyrir viðkvæmt svæði eins og andlitið.
Soft Tab
Nálarnar eru settar mjúklega á yfirborð húðarinnar og þrýst örlítið fram og rúllað uppá við frá fremstu nálinni að öftustu nálinni og lyft þannig upp af húðinni þegar liturinn hefur verið settur niður í húðlagið. SofTap® nálarnar eru hannaðar til að veita hámarks spennu, mýkt og sveigjanleika, þannig næst að hámarka litinn sem fer í húðina með hverju „tappi“.
Microblade
Microblade er líka hairstroke tækni, en verkfærið er annað. Munurinn fellst aðallega í því að þú færð náttúrulegri og fínni strokur (hár) með Microblade tækninni. Tæknin er önnur, sem og dýptin og oft eru notaðir aðrir litir.
Hybrid Pigmentation
Það besta með báðum tækni aðferðunum Microblade handstykki og örlitameðferð þar sem notaður er fullkominn tækjabúnaður. Fínleg „einstök hár“ og mjúkur skuggi sem myndar fyllingu og eðlilega útkomu.
Powder Brows
Útkoma Powder Brows tækninnar er lík mjúkum augnskugga í botni brúna. Líkt og væri powder í brúnunum. Hér eru notaðir mismunandi litir og mismunandi þynntir litir, eftir því hvar í brúninni er verið að vinna.
Dermatude Meta Therapy
Meta Therapy stendur fyrir Medical & Esthetical Tissue Activating Therapy og er eina aðferðin til þess að bæta og fegra húðina bæði innanfrá og utanfrá. Þá eru sérstök serum, sem eru mjög virk efni, borin á húðina. Þannig fást tvöföld áhrif gegn öldrun húðarinnar vegna þess að ekki er eingöngu horft á afleiðingarnar, heldur er fyrst og fremst ráðist gegn orsökunum.
Á síðari áratugum hafa rannsóknir og þróunarstarf sem miða að því að viðhalda æskuljóma húðarinnar veitt okkur alveg nýja sýn inn í þau fræði sem fjalla um varnir gegn öldrun.
Komið hefur í ljós að hægt er að hægja mikið á öldrun húðarinnar og það er í raun og veru hægt að draga úr ummerkjum öldrunar. Fyrst verður að örva náttúrleg ferli húðarinnar innanfrá svo að framleiðsla kollagens og elastíns í húðinni fari aftur af stað og hringrásarferlin eflist. En jafnframt verður að bæta húðinni upp það sem hún hefur farið á mis við, með virkum efnum utanfrá.
Nánari upplýsingar
Fyrstu merki um að húðin sé farin að eldast koma fram við u.þ.b. 25 ára aldur. Húðin þynnist, blóðflæði minnkar og það hægir á náttúrulegri framleiðslu kollagens og elastíns. Húðin tapar stinnleika og teygjanleika. Þetta náttúrulega öldrunarferli byrjar innanfrá en ytri aðstæður flýta fyrir því, eins og t.d. óhóflega miklir útfjólubláir geislar frá sól eða ljósalömpum, loftkæling, streita, áhrif sindurefna og loftmengunar, að ógleymdu tóbaki og áfengi
Meta Therapy getur hægt töluvert mikið á öldrun húðarinnar og í raun er hægt að draga verulega úr sýnileika öldrunar.
Meta Therapy örvar náttúrulegt ferli húðarinnar innan frá, þannig að framleiðsla kollagens og elastíns í húðinni fer aftur af stað og blóðrásin eflist. Jafnframt er húðinni bætt upp það sem hún hefur farið á mis við, með virkum efnum.
Meðferð án róttækra aðgerða (non-invasive treatments)
Yfirborð húðarinnar er meðhöndlað með kremum og möskum, kristalslípun, burstun eða efnafræðilegum aðferðum.
Meðferð með róttækum aðgerðum (invasive treatments)
Húðinni er veitt mjög virk meðferð. Notaðar eru aðferðir og tæki sem veita aðgang að dýpri lögum húðarinnar, þ.e. Dermatude’s Meta Therapy, nálarúllur, Meso Therapy eða Micro Needling.
„Medical“ meðferð
Sérfræðingar veita húðinni róttæka meðferð t.d. með Botulin Toxin sprautum, húðfyllingarefni, laser-meðferð, svokallaðri augnlyftingu eða andlitslyftingu. Rannsóknir sýna að róttækar meðferðir hugnast alls ekki öllum. Hinsvegar er mikill áhugi á meiri árangri en þeim sem næst með meðferðum án róttækra aðgerða. Það er þar sem Meta Therapy kemur inn í myndina og mætir þörfum þeirra.
Í Meta Therapy meðferðinni eru gerð hárfín göt á húðina, án minnsta sársauka. Húðin skynjar þetta sem sár, náttúrulegar varnir líkamans bregðast samstundist við og hefja framleiðslu á kollageni og elastíni. Þessar sjálfvirku viðgerðir líkamans eru 100% náttúrulegar – húðin endurnýjast innanfrá.
Húðin verður þéttari og fær aftur stinnleika sem var farinn að minnka og greinilega sést að fínar línur og smáhrukkur sléttast, húðholur verða fínlegri, blóðrásin örvast og almennt ástand húðarinnar batnar. Meta Therapy hjálpar til við að endurnýja það sem húðin hefur misst í tímans rás. Það fer fram með 100% náttúrulegum hætti, húðin verður ferskari og yfirbragðið unglegra.
Læknisfræðileg örlitameðferð (Medical Tattoo)
Læknisfræðileg örlitameðferð er hugsað fyrir þá einstaklinga sem á þurfa að halda í læknisfræðilegum tilgangi. Hægt er að aðstoða einstaklinga sem fæðst hafa með skarð í vör, glíma við Alopecia sjúkdóm (hármissi), ör í húð og línur/hrukkur í andliti. Medical tattoo kemur mikið við sögu hjá konum jafnt sem karlmönnum sem misst hafa brjóst vegna krabbameins og hafa farið í enduruppbyggingu nýs brjósts.
Hægt er að nota læknisfræðilega örlitameðferð til þess að skapa nýja ásýnd vörtubaugs, dekkja ljósa vörtubauga og/eða til að stækka þá til að ná fram samræmi á milli beggja, jafna út mislit í húð, jafna ásýnd varalínu og vara hjá einstaklingum sem hafa fæðst með skarð í vör ásamt aðkomu að öllu því sem er upptalið hér að ofan.
Læknisfræðileg örlitameðferð getur nýst á margan hátt. Ef þú hefur svæði sem valda þér áhyggjum og myndir vilja vita hvort einhverjir möguleikar á lagfæringu væru í boði, hafðu þá samband við okkur til að leita svara!
Nánari upplýsingar
Læknisfræðileg örlitameðferð (Medical Tattoo)
Læknisfræðileg örlitameðferð er aðferð og tækni sem er notuð í læknisfræðilegum tilgangi, eftir slys, meðfædda sjúkdóma, ör og/eða eftir læknisaðgerðir. Meðferðin er listræn lausn sem hjálpar til við að bæta útlit karla og kvenna með líkamleg frávik sem tengjast eftirfarandi:
- Andlitslyfting (ör)
- Hárígræðsla (ör)
- Ör eftir skurðaðgerðir
- Hárlos – Blettaskalli (Alopecia)
- Lyfjameðferð vegna krabbameins – augabrúnir og augnlína
- Brjóstauppbygging / Areola (vörtubaugur)
- Brjóstalyfting (ör) / Brjóstaminnkun (ör)
- Bruni (ör)
- Skarð í vör
- Til stækkunar á náttúrulegum vörtubaug
- Til að dekkja ljósa vörtubauga.
Alopecia / Blettaskalli
Talið er að Alopecia eða blettaskalli stafi af sjálfsofnæmissjúkdómi (autoimmune disease) sem leiðir til hártaps á svo gott sem hvaða húðsvæði líkamans sem er. Skýring sjúkdómsins er ókunn.
Hvernig verður hann til?
Í blettaskalla er að sjá bólgusvörun ónæmiskerfisins (immune system) umhverfis hárin niðri í húðinni. Bólgusvörunin er af þeirri gerð sem kallast síðkomið ofurnæmi eitilfruma (lymphocyte delayted-type hypersensitivity). Gerð bólgusvörunarinnar styður mjög að undirliggjandi sjálfsofnæmi (autoimmunity) liggi á bak við blettaskalla.
Meðferð
Sem betur fer leiðir svörun ónæmiskerfisins ekki til örmyndunnar í hárrótunum þannig að hárvöxtur er aftur mögulegur láti ónæmiskerfið af árás sinni á hárin. Þannig flokkast blettaskalli sem hártap án örmyndunnar (non-scarring alopecia).
Örlitameðferð er eina langtímalausnin fyrir einstaklinga sem þjást af Alopecia. Með því að beita tækni sem gerir kleift að líkja eftir einstökum hárum má móta augabrúnir svo þær verði sem eðlilegastar. Þá er einnig hægt að gera línur við augun til að skerpa augnumgjörð.
Multitrepannic Collagen Actuation (MCA) og Collagen Induction Therapy (CIT)
Collagen Induction Therapy ( CIT), einnig þekkt sem „Dermal needling, Skin needling og Multitrepannic collagen actuation (MCA)“ eða „Dermal mesotherapy“, er spennandi ný tækni sem studd er raunhæfum og sönnum niðurstöðum allt frá árinu 1990. Rannsóknir og greinar um meðferðina hafa komið í mörgum þekktum vísinda- og læknisfræði tímaritum.
Þessi meðferð er notuð til þess að bæta áferð húðarinnar, mýkja hrukkur og fylla upp í djúpar línur, róa og minnka ör og húðslit og draga úr of miklum litarefnum í húð. Húðstungur (skin needling) fyrir ör, bólur og hrukkur hafa verið mjög vinsælar í mörgum löndum og áhrif þeirra á örvefi er vel þekkt og notuð af lýtalæknum í Bandaríkjunum, Evrópu, Canada og Suður Afríku.
CIT er hægt að framkvæma örugglega á öllum húðsvæðum og öllum húðlitum. Það er lítil sem engin áhætta á öramyndun eða „post inflammatory hyper pigmentation“ (mislitun í húð vegna húðáverka) þar sem litafrumur og húðin helst heil á meðan á CIT stendur. Þetta er aðal munurinn á öryggi þessarar meðferðar og annarra, eins og laser meðferð, djúphreinsandi efnameðferð og kristalslípun.
Matthías Aust, lýtalæknir í Hannover, Þýskalandi, lét hafa eftir sér: „Ólíkt eyðingu með laser, er engin hætta á örum. Og því má við bæta að við örvun/ertingu bandvefsfruma til að framleiða kollagen og teygjanleika/teygjur, leysir CIT úr læðingi vaxtaþátt, sem lasertæknin gerir ekki.“(Deem, M., ELLE 2008).
Ef þú ert að leita að öruggri og árangursríkri meðferð til að yngja húðina eða til að vinna á örum þá er MCA / CIT fyrir þig:
- Lágmarks áhætta
- Fljót, auðveld og árangursrík meðferð
- Engar vörur sem þarf að kaupa
- Engin innsetning óþekktra efna
- Engin hættuleg eiturefni
- 100% náttúrulegt, tækni og aðferð sem hjálpar til við að örva eigin kollagen framleiðslu
- Engar dýravörur notaðar
- Eyðileggur ekki húðþekjuna
- Sjáanleg útkoma og árangursrík meðferð
- Örvar viðgerðareiginleika líkamans
- Læknisfræðilega samþykkt
- Endist í 5 til 10 ár, eða þangað til kollagenið þitt eldist
- Fyrir stærri sem smærri svæði
- Fjárhagslega hagkvæmt
- Vinnur á grunnum og djúpum hrukkur í augabrúnum, á enni, höku og kringum munn og nef
- Hentar fyrir slit og stærri ör
- Meðferð gegn lausri húð, bólum, örum eftir bólur og litavandamálum.
Brjóstaaðgerðir eða uppbygging brjósta geta orðið til þess að sumar konur missa vörtubaugs svæðið (areola) og geirvörtu. Ný tækni í örlitameðferð gerir kleift að búa til nýja geirvörtu og vörtubaug. Einnig er hægt að fylla upp í og jafna vörtubaug sem fyrir er og þannig skapað eðlilega ásýnd brjóstsins.
Örlitun hefur reynst ákaflega vel í læknisfræðilegum tilgangi. Læknar, hjúkrunarfólk, geislafræðingar og aðrir sérfræðingar hafa viðurkennt gildi meðferðarinnar.
- Eftir uppbyggingu nýs brjósts
- Stækkun á náttúrulegum vörtubaug