Loading...
Um okkur2016-11-19T19:02:50+00:00

Starfsfólk Zirkonia

Undína Sigmundsdóttir

Undína er meistari í snyrtifræði, með yfir 30 ára reynslu í faginu. Hún hefur einnig um tuttugu ára reynslu í heimi varanlegrar förðunar en undanfarin ár hefur hún helgað sig þeirri list eingöngu og hefur sérhæft sig í öllu því nýjasta sem í boði er hverju sinni, ásamt því að vera sérfræðingur í Microblade og Soft Tab tækni.
Undína hefur reglulega sótt sér frekari menntun og þjálfun í heimi varanlegrar förðunar sem og Medical tattoo og sótt ítarleg námskeið um allan heim. Hún hefur unnið ötullega við framkvæmd varanlegrar förðunar og hefur mikla reynslu sem hún er tilbúin að deila með þátttakendum námskeiðanna.

Undína er félagi í AAM (American Academy of Micropigmentation) og hefur tekið alþjóðlegt próf í Permanent Make-up og Medical Tattoo. Hún er einnig hlotið viðurkenningu sem alþjóðlegur Nouveau Contour kennari.

Karen Jóhannsdóttir

Karen er menntaður snyrtifræðingur og er eigandi Sisco Snyrtistúdíós sem er til húsa hjá Zirkonia ehf. og mun m.a. bjóða upp á Dermatude Meta Therapy sem og aðrar sérhæfðar meðferðir í bland við hefðbundnari snyrtimeðferðir, eins og litun og plokkun.

Karen er einnig sérfræðingur í varanlegri förðun og hefur bætt við sig m.a. microblade-tækni.

Erna Sigurðardóttir

Erna annast úteyrslu á vörum og símsvörun ásamt því að sinna ýmsum tilfallandi verkefnum.

Suðurhrauni 1

210 Garðabæ
Sími: 555 0411

Kt: 621215 – 0190
VSK: 117439
info[hja]zirkonia.is

Öryggi, ánægja og fagmennska

Einkunnarorð Zirkonia eru öryggi, ánægja og fagmennska. Þessar skuldbindingar við viðskiptavinina eru okkur mikilvægar og eru miðpunktur okkar þjónustu.

Við leggjum metnað okkar í að hver og einn viðskiptavinur fái þá allra bestu þjónustu sem völ er á og leggjum mikla áherslu á að eftirfarandi þætti:

Við fylgjum ströngum öryggis- og hreinlætisstöðlum með því að nota eingöngu einnota nálar og búnað. Einnig notum við ofnæmisprófaða hágæða liti sem innihalda engin lyktarefni eða önnur ertandi efni.
Farið er yfir spurningalista með öllum nýjum viðskiptavinum til að athuga hvort hann hafi einhverja heilsufarskvilla sem gætu haft áhrif á útkomu meðferðarinnar, t.d. ofnæmi.
Við bjóðum viðskiptavinum með viðkvæma húð uppá ofnæmispróf fyrir meðferð sé þess óskað. Með þeim hætti er hægt greina hvort viðkomandi þoli meðferðina og efnin sem notuð eru til að framkvæma hana.
Náin samskipti eru nauðsynleg á meðan á örlitameðferðinni stendur. Góð og heiðarleg samskipti sérfræðings og viðskiptavinar eru algjört lykilatriði svo að útkoma meðferðarinnar verði sem allra best og í samræmi við óskir viðskiptavinarins.
Fullt samþykki viðskiptavinar um liti, lögun og útkomu meðferðarinnar verður að liggja fyrir, áður en meðferðin hefst. Farið er yfir alla áhættuþætti svo að viðskiptavinurinn sé eins vel upplýstur og mögulegt er.
Við leggjum mikla áherslu á að taka fyrir og eftir myndir af viðskiptavinum á meðan á meðferð stendur. Myndirnar verða geymdar í viðskiptaskrá viðkomandi til að endurskoða og meta gang meðferðar.

Hér erum við